LizQuen, kasama sa movie nina Tetay at Bistek sa 2015 MMFF

SA pa-birthday celebration ni Quezon City Mayor Herbert Bautista para sa entertainment press na nagdiwang ng kanilang kaarawan mula buwan ng Hulyo hanggang Setyembre ay talagang hindi namin tinantanan ng tanong ang politiko cum aktor.

Nabalita kasi na si Derek Ramsay na ang leading man niKris Aquino sa pelikulang entry ng Star Cinema ngayong2015 Metro Manila Film Festival.

At noong Biyernes ng gabi sa Aquino and Abunda Tonight na huling gabing episode ng Queen of All Media ay sinabi niyang si Herbert pa rin ang leading man niya at hindi si Derek at binago na rin ang titulo na rating Mr. and Mrs. Split na naging Love, love, love, Pamilya Love.

Kaya tinanong namin si Bistek kung bakit muntik na siyang hindi mapasama sa nasabing pelikula ng Star Cinema.

“’Di ba, nagsu-shooting ng ‘Etiquette (for Mistresses’) si Kris tapos nagkakasakit na siya, so noong una, buo na ‘yung pelikula, pero wala pang script, ‘yung cast pa lang.

“Then eventually, nagkakasakit siya, ayaw na niyang gawin ‘yung pelikula, and then na-pursuade siya na ituloy ‘yung movie pero iba na ‘yung cast kasi malapit na eleksiyon.

“Tapos at this point, on Wednesday (September 30), ia-announce na ‘yung Liberal Party ‘yung kanilang Vice President, Senators, which I belong to the same party, Liberal Party and may isang term pa naman ako (Mayor), but my name is in the list of possible Senatorial candidates.

“So, tapos biglang natuloy ang pelikula at supposedly, si Derek (Ramsay) yata. But it was not done deal between Star Cinema and Derek.

“Last Tuesday (September 22), nag-meeting kami ni tita Malou (Santos) at tuloy ang movie, kasama na ako.

“Sabi ko nga, okay lang kung hindi ako kasama, but si tita Malou mismo ang nagsabing, ‘we want you there (movie), ikaw ang original, hindi puwedeng iba, somebody else could take the role, pero you’re the original cast.’

“Then I was informed that October 9 (Biyernes) ang resume ng shooting kasi nag-shoot na ako ng one day, so magre-resume ng shooting sila (Kris) on October 9.

“Hindi ko lang alam kung kasama ako sa resume shooting nila and I’m thankful sa Star Cinema kasi I’m still part of the movie. Kahit naman maliit lang ‘yung role, basta ang importante may raket, ha, ha, ha, may pelikula.

“And I think, kasama ang LizQuen (Liza Soberano at Enrique Gil) sa movie, tapos ‘yung kina Vice (Ganda) yata JaDine (James Reid at Nadine Lustre),” mahabang paliwanag ni Herbert.

Sa tanong namin kung bakit nabago na ang titulo, ”kasi si Kris naman nakilala sa salitang love, love, love at saka may kantang love, love, love, pinahahanap ko nga, eh. And I hope magkatuluyan ang Viva Films at Star Cinema sa co-production kasi Viva is my manager.”

FACT SHEET – Reggee Bonoan