Julia Montes, sobra ang pasasalamat sa pag-aalaga ng Dos!

AMINADO si Julia Montes na may kaakibat na pressure ang bansag sa kanya sa ABS CBN bilang Royal Prinsesa ng Drama. Ayon sa young star, dahil dito ay kaila-ngan niyang patunayan na karapat-dapat siya sa titulong ito. “Kailangan kong patunayan na hindi porke nabigyan ka ng title, e, okay na. Kailangan ko po talagang i-prove sa kanila,” saad ni Julia.

Ipinahayag din ni Julia kung gaano siya kasaya sa bagong serye niya sa Kapamilya Network na pinamagatang Doble Kara.

“Sobrang saya po, kaya hirap na hirap akong mag-explain or mag-express ng gratitude ko. Ang hirap po talagang ilagay sa words kung gaano ako kasaya. From Mara Clara bilang kontrabida; sumunod iyong Walang Hanggan na bago na naman sa akin-mature role na ipinagkatiwala po sa akin. Then, yung Ikaw Lamang, at ito nga pong Doble Kara.

“Talagang sabi ko nga, hindi ko po talaga ini-expect na aabot ako sa point na pagkakatiwalaan ako ng project. Napakasuwerte ko po talaga, hindi lang po sa mga roles na ibinigay nila kung hindi maging sa mga nakatrabaho ko.”

Dalawa ang katambal niya rito, si Edgar Allan Guzman at ang baguhang si Anjo Damiles. Sobrang happy si Julia na pinagkatiwalaan na naman siya ng Kapamilya network na big-yan ng serye.

Kasama sa casts ng Doble Kara sina Ariel Rivera, Mylene Dizon, Allen Dizon, John Lapus, Bing Loyzaga, Patricia Javier, Gloria Sevilla, at Alora Sasam. Sina Edgar Allan Guzman at ang baguhang si Anjo Damiles ang katambal dito ni Julia.

Ano ang nararamdaman niya sa kanyang bagong leading men?

“Nakaka-excite din na parang kinakabahan na medyo nahihiya din. Hindi pa kasi kami masyadong komportable sa isa’t isa po. Pero excited kasi, ‘yun nga po, gaya ng sinasabi ko, lahat ng nakasama ko at nakatrabaho ko, e, natutuwa po ako sa kanila. This time, nae-excite ako kung ano ‘yung matututunan ko.”

ALAM MO NA! – Nonie V. Nicasio