Babaeng may pinakamahabang legs sa buong mundo

MALAKI ang pag-asa ng isang modelong Chinese na makamit ang titulong babaeng may pinakamahabang mga legs sa mundo.

Nagpasya si Dong Lei, 20-anyos, na umalis sa eskuwelahan para makapag-aral at maging isang nursery school teacher. Sa taas niyang 1.82 metro (halos 6 talampakan), siya ang pinakamatangkad sa kanyang mga kamag-aral.

At ang kakaiba niyang tangkad sa China ay bunga nang mahahaba niyang legs, o binti, na umaabot ng 1.15 metro (3 talampakan at 9 na pulgada) sa haba. Ang average height ng kababaihan sa China ay nasa 1.57 metro lamang, o 5 talampakan at 2 pulgada.

Ani Dong: “Binanggit sa akin ng aking mga guro na dapat sana’y sinubukan ko ang modelling nang mapansin nila ang mahahaba kong binti, at nang tingnan ko nga na-realize kong malaki ang posibi-lidad na ako ang may pinakamahabang legs sa buong mundo.”

Nalaman ni Dong na ang sikat na German model na si Nadja Auermann, 44, ay nakapagtala ng Guinness World Record dahil sa kanyang mahahabang binti na may sukat na 1.12 metro.

Nangangahulugan na mas mahaba ang paa ni Dong.

Makaraang magpunta sa isang lokal na modelling agency, nakita na lang din ng dalaga ang pagkapuno ng kanyang sche-dule sa sunod-sunod na modelling work dahil sa kanyang matayog na tindig. Siya ngayon ay naging ‘in demand’ sa mara-ming fashion event. Simula noon, hindi na niya nagawang magbalik-tanaw sa kanyang nakaraan.

Sa ngayon, hinihintay pa ng dalagang nursery teacher na naging modelo mula sa Wuhu, Anhui province sa central China, na maibigay sa kanya ang titulong “babaeng may pinakamahabang legs sa buong daigdig.”

Kinalap ni Tracy Cabrera