Ella Cruz, naging viral ang galing sa pag-twerk

NAGING viral sa social media ang paghataw ng teen actress na si Ella Cruz sa pagsasayaw ng hit song na Twerk It Like Miley ni Brandon Beal. Nakakuha ito ng higit limang milyong views sa Facebook at YouTube.

Bago ito, nakakuha muna ito ng halos dalawang milyong views nang wala pang isang linggo. “Sobrang saya kasi unexpected na magge-gain siya ng million views in just less than a week. So, nagulat ako na ‘yun nga biglang viral, nasa lahat ng blogs tapos kapag sinearch mo ‘yung Ella Cruz sa Twitter, ‘yun ang pinag-uusapan.

“Pagkataapos ang daming shares sa Facebook, tapos ang dami ring views. Sobrang gulat at sobrang saya and sobrang thank you sa lahat,” saad ni Ella.

Dahil dito, ikinokompara si Ella kay Maja Salvador na last month ay sumayaw din ng ganito sa ASAP ng ABS CBN. Ayon kay Ella, itinuturing niyang compliment ito. “Kasi siyempre si Ate Maja, Dance Diva, Dance Princess, Twerk Queen, so sobrang flattering sa akin. Iyon din kasi ang gusto kong gawin besides sa acting, mahilig din ako magsayaw.”

Nabanggit din ni Ella na hilig talaga niya ang pagsasayaw at for fun lang daw ang ang pag-record niya ng naging viral na dance video niya. “Dati pa kasi talaga mahilig ako sumayaw, tapos dati gusto ko nang gumawa ng mga dance vi-deos. So, mayroon kasi akong friend na choreographer, si Teacher Macky ‘yung kasama ko sa video. Sabi ko, ‘Tara sayaw tayo.’ ‘Yun lang for fun lang talaga siya.”

Samantala, aminado naman si Ella na umiiwas daw siyang maging daring o pa-sexy sa mga paglabas niya sa TV. Kaya okay sa kanya ang maging parte ng pambagets na programa sa TV5 titled #Parang Normal Activity na mula sa The Idea First Compnay nina Direk Perci Intalan at Direk Jun Lana.

“Okay lang sa akin na magpabata ulit, kasi hindi naman dapat continuous ‘yung parang adult ka sa role na ‘to tapos adult ka pa ulit. ‘E ‘yung itsura ko, kaya ko pa namang magpa-tweetums. Actually yung sa Bagito, ginawan pa nila yun ng paraan para magmukha talaga akong 18.

So, natutuwa ako na ngayon patweetums na po ulit yung role ko dito sa #ParangNormal Acti-vity, pa-comedy, ganyan. At least, malaman po ng lahat na hindi ako na-stuck sa ganoong klaseng roles lang,” saad pa ni Ella.

Kasama niya sa #ParangNormal Activity sina Ryle Paolo Santiago, Andre Garcia, Shaun Salvador, Kiray Celis, Eunice Lagusad, at iba pa. Napapanood ito sa Kapatid Network tuwing Sabado, ika-walo ng gabi.

ALAM MO NA! – Nonie V. Nicasio