Session hall nirapido ng armalite (Vice Mayor, bodyguard patay)

 

CAUAYAN CITY, Isabela – Patay ang vice mayor ng Jones, Isabela nang harangin ang mga bala ng M16 armalite rifle na ipinangrapido ng isang lalaki na sapilitang pumasok sa session hall ng lungsod na ito.

Inihayag ni Atty. Jay-ar Valejo, legal consultant ng tanggapan ng pangalawang punong bayan, nagsasagawa sila ng sesyon nang puwersahang sirain ang pintuan ng nasabing tanggapan.

Aniya, isang lalaki na may hawak na M16 armalite rifle ang pumasok sa session hall at bigla na lamang pinagbabaril si Vice Mayor Florante Raspado.

Nang makita ni Raspado ang lalaking armado ay iniharang niya ang kanyang sarili upang hindi na madamay ang iba pang miyembri ng Sangguniang Bayan.

Sa puntong ito, pinagbabaril ng suspek si Raspado hanggang mamamatay.

Patay rin ang bodyguard ng isa pang SB member na nakaposte sa ibaba ng session hall.

Kasalukuyang sinisiyasat ng mga awtoridad ang insidente.

HATAW News Team