HATAW! D'yaryo ng Bayan hatawtabloid.com
UNCUT – Alex Brosas .
ANG feeling ni Enrique Gil ay malaki talaga ang naitulong ng soap opera nilang Forevermore sa kasikatang tinatamasa nila ngayon ni Liza Soberano.
“Noong nagte-taping kami wala kaming alam sa lahat. Hindi namin alam ang reaction ng mga tao. Sabi lang namin, basta enjoy lang tayo. Para kaming naging pamilya roon kasi sa bundok kami lang ang magkasama. Sa bonding na ‘yon na kami-kami lang ay doon kayo naging close. Everybody got to know everybody more. ‘Yung truthfulness dahil sa situation na ‘yon ay na-feel ng tao siguro,” esplika niya kung bakit nag-hit ang teleserye nila.
Ngayon, big time na ang dalawa dahil mayroon na silang launching movie, ang Just The Way You Are.
Inamin ni Enrique na nade-develop na siya kay Liza.
“Noong sa Baguio noong nagkuwento siya sa akin about her life. Roon nabuo ’yung respeto ko sa mga pinagdaanan niya. Tapos ’yung nag-trust siya sa akin tungkol sa buhay niya. So medyo mas lumalalim na ’yung pag-uusap namin, so roon nagsimula,” chika ni Enrique.
“Noong una na nakilala ko siya, nag-hi nga lang ako pero hindi ko masyado napansin,” dagdag pa niya.
Okay lang para kay Enrique na hindi pa niya puwedeng maligawan si Liza.
“Everyday magkasama sa taping. Kapag wala kayong taping, nami-miss niyo ang isa’t isa kasi hindi ka sanay na wala siya. So roon nagsimula,” sabi niya.
Itsinika rin ni Enrique ang iba pang natuklasan niya kay Liza gaya ng pagkakaroon nila ng common interest.
“Pinakanagustuhan ko po sa kanya, akala ko noong una niloloko niya ako, ay ’yung mga favourite and dislikes niya. Like flavors ng chocolates, ice creams, parehas kami.”
