Sofia, hopeless na kay Iñigo (Sa pagsulpot ng bagong ka-loveteam na si Julia)

NALUNGKOT ang supporters nina Iñigo Pascual at Sofia Andres dahil inamin ng dalagita na wala na silang komunikasyon ng binatilyo dahil pareho silang busy.

Ipinost ni Sofia sa kanyang Instagram account noong Linggo para na rin sa kaalaman ng fans na totally hindi na sila nag-uusap at nagkikita ni Inigo.

Base sa post ni Sofia, ”we’re okay. We’re still friend’s pero hindi na kami nag-uusap kasi hindi na kami nagkikita eh. Kasi busy din siya so, parang wala ng time.

“After the movie (Relaks It’s Just Pag-ibig) kasi, we both tried to help each other kung paano kami magco-communicate kasi after that nasa Baguio na ako and siya nagte-taping na for ‘Para Sa Hopeless Romantic.’

“Parang I noticed na siyempre kapag hindi na nagkikita, parang it’s going to be different kasi wala ng pinag-uusapan, wala ng pinagsasamahan. Hindi na katulad ng dati kasi magka-work kami before and lagi kaming magkasama.

“It’s sad at the same time kasi hindi naman talaga biro ‘yun eh, ‘yung ilang years of friendship na sabay naming natutuhan kasi sabay kaming pumasok sa showbiz. That’s life.

Yung Sofia-Inigo fans, I tweeted yesterday na parang, ‘You just have to accept that we have different paths now.’ Kasi honestly parang nakakahiya roon sa new love team (Julia Barretto) niya.

“Pinapa-trend kasi nila ‘yung Sofia-Inigo project so I tell them that they have to move on from the past. Some are okay with it pero na-heartbroken sila kasi parang I gave up na raw.

“Hindi naman. Kasi ‘yung expectations nila it makes me feel so sad kasi kawawa naman ‘yung fans na nag-e-expect.”

Parehong may kanya-kanya kasing ka-loveteam ang dalawa, si Sofia ay si Enchong Deeang kasama sa Wansapanataym Presents: My Kung Fu Chinito at si Inigo naman ay siJulia Barretto ang ka-loveteam para sa And I Love You So kasama si Miles Ocampo.

Pero in case may offer pa rin kay Sofia na muli silang pagsamahin ni Inigo sa isang project ay okay pa rin sa kanya.
ni Reggee Bonoan