HATAW! D'yaryo ng Bayan hatawtabloid.com
ni Alex Datu
ILANG taon ding nanirahan si Dra Pie Calayan sa USA para i-manage ang kanilang clinic doon ni Dr Manny Calayan, ang Calayan Aesthetic Clinic. Kaya wine-welcome naming ang magaling na dermatologist.
Tsika ni Dok Manny, sobrang na-miss ng kanyang asawa ang Pilipinas at gustong-gusto nitong mabuo uli ang magic tandem sa trabaho kaya nagdesisyon na itong bumalik for good.
Tamang-tama naman ang pagbabalik ni Dra Pie dahil nataon ito sa kanilang silver wedding anniversary at kagagaling lang nila sa Balesin Resort para sa kanilang pulot-gata. Take note, naunahan pa nila ang ikakasal na sina Heart Evangelista at Sen Chiz Escudero.
Sa pamamagitan ng text messages, napag-alaman naming sobrang bless si Dok Manny noong pagdalaw ni Pope Francis dahil isa siya sa iilan na nakamayan ang Santo Papa.
Samantala, abangan ang gagawing panayam ni Boy Abunda kay Dra Pie sa ABS-CBNBottomline at doon muli ninyong makikita ang magaling na dermatologist pagkatapos nitong manirahan ng ilang taon sa America. Still looking fresh and beautiful ‘ika nga, taliwas sa naglalabasang balita noon na nasira ang mukha nito dahil sa isang karamdaman.
