Alias Ramil smuggler na, tax evader pa!

Isang Tsinoy ang umano’y patuloy sa paghataw at paggawa ng mga iligal na gawain.May punong-tanggapan ito diyan San Miguel, Maynila.

Pag-aari nito ang isang bogus na kumpanya na distributors ng mga high-end gadgets gaya ng laptop, tablets at cellphones mula sa bansang China.

Technical smuggling ang main opisyo ng Tsekawang ito na sangkaterba ang mga police bodyguards.

Bukod sa pagpaparating ng mga epektos mula bansang Tsina, loan shark din ang kumpanyang ito na pangunahing nanggigipit ng mga kababayan nating Pilipino.

Sadyang malawak at malalim ang koneksyon ng Intsik na ito na may alyas na RAMIL at  RICHARD L.

Bukod sa mga opisyal ng Bureau of Customs (BOC) na ipinagmamalaki nitong nasa kanyang ‘payola’ at nine-name drop din nito ang ilang matataas na tauhan ni Bureau of Immigration Commissioner Fred Misongaya nina Sample at D. Alhambra.

Pawang mga Intsik galing mainland China ang karamihan sa mga opisyal at empleyado nitong si alyas RAMIL.

Hindi marunong mag-Ingles o mag-Tagalog ang mga ito patunay na ipinuslit lamang  via backdoor Bukod pala sa technical smuggling, may human smuggling pa ang hinayupak.

Mistulang Godfather itong si alyas RICHARD na siyang nagmamay-ari ng ilang 3-star hotels ngayon dito sa Metro Manila. Sa maikling panahon, nakuha nitong makapundar ng ganito karaming kayamanan.

Tila malayo sa pansin at paningin ng Bureau of Internal Revenue (BIR) ni Commissioner KIM HENAREZ itong mga kumpanya ni alyas RAMIL oRICHARD L.

Totoo kayang kumpadre at kumare ni RAMIL KUPAL alyas RICHARD L.ang ilang matataas na opisyal ni Honorable Kim Henerez?

Hindi lamang mga opisyal ng gobyerno ang paboritong dikitan at sipsipan nitong si RAMIL kundi mga alkalde ng Metro Manila at ibang kongresista at senador.

May girl Friday itong ugok na si RAMIL na umiikot sa mga tanggapan ng pamahalaan at inaalam ang mga aktibidad ng bawat opisyal para iisponsor ang mga social activities ng mga ito.

Ang galing ng modus operandi na talagang well-organized para sa proteksyon ng mga illegal activities ng bugok na si RAMIL.

Sa susunod na pagbanat natin, personal nating aalamin kay PNP OIC,Director General Leonardo Espina kung legal ngang masasabi ang deployment ng mga police bodyguards ng kupal na si RAMIL alyasRICHARD L. mula sa pambansang kapulisan.

  ABANGAN! 

***

Makinig sa DWAD 1098 khz  at www.ustream.tv/channel/TARGETONAIRDWAD1098 Monday  to  Friday 2:00 – 3:00 PM. mag email sa rex_cayanong@yahoo.com