P30-M ginastos sa Quirino Grandstand (Para sa Papal events)

UMABOT sa P30 million ang halaga na ginastos ng Department of Public Works and Highway (DPWH) kaugnay sa ginawang altar at pag-repair sa Quirino grandstand kung saan magsasagawa ng misa si Pope Francis sa bansa.

Ayon kay DPWH Secretary Rogelio Singson, nasa P30 million ang ginastos ng DPWH para sa kanilang ginawang pagsasaayos sa Quirino grandstand.

Giit ni Singson tinapos nitong Enero 11 ang itinayong altar sa Quirino grandstand.

Aminado ang kalihim na medyo pressure sa kanilang mga tauhan ang pagtatapos sa altar na gamitin ng Santo Papa sa isasagawa niyang misa.