HATAW! D'yaryo ng Bayan hatawtabloid.com
NAGULAT si Sylvia Sanchez nang tanungin siya sa The Buzz na siya raw ang gumastos ng pamasahe sa buong entourage ng kasal nina Aiza Seguerra at Liza Dino na gaganapin sa Amerika sa December 8, Lunes.
Natanong daw ang aktres sa finale episode ng Be Careful With My Heart na magkakasama silang buong cast at production na panoorin ang 15 minute live streaming tungkol dito.
“Nagulat ako kasi wala namang ganoon. Itinanggi ko, pero siyempre ‘di ba, may isyung ganoon.
“Hiyang-hiya ako kay Aiza kasi hindi totoo at nakita ko kung paano magtrabaho si Aiza para sa panggastos sa kasal nila ni Liza. Talagang kayod marino si Aiza kaya unfair naman sa sinasabing sinagot ko ang gastos hindi totoo ‘yun,” bungad paliwanag ni Ibyang (tawag kay Sylvia) nang tawagan niya kami noong Linggo ng gabi pagkatapos niyang mapanood ang The Buzz.
Inamin ni Ibyang na ang asawang Art Atayde ang ninong sa kasal nina Aiza at Dino na gaganapin sa Amerika at ang aktres naman ang ninang sa gaganaping kasal dito sa Pilipinas.
“Kasi ninong si Art sa kasal nila sa Amerika, tapos ‘yung kasal na gaganapin dito sa Pilipinas, ako naman ang ninang. Dalawang beses ikakasal sina Aiza at Liza, eh.
“Kaya Reggs, pakilinaw na lang, kasi nakakahiya talaga kay Aiza, hindi totoo,”pakiusap ni Ibyang.
ni Reggee Bonoan
