HATAW! D'yaryo ng Bayan hatawtabloid.com
ni Timmy Basil
KILALA si Mommy Elaine Cuneta sa pagiging very supportive sa career ng kanyang anak na si Sharon Cuneta. Naalala ko noon, na sa tuwing may concert si Sharon , asahan mo si Mommy Elaine sa first row at makikitang proud na proud sa kanyang anak.
Sa pagpasok ng kanyang apong si KC Concepcion sa showbiz, medyo hindi na niya ito nasasamahan dahil siguro ‘di na puwedeng magpuyat si Mommy Elaine na kadalasan sa big affair sa showbiz na dinadaluhan ni KC ay sa gabi ginagawa. Sa Star Awards nga lang, madalas na nagho-host si KC, minsan naman siya ang nananalo o kaya ay presentor ay never kongnakita si Mommy Elaine pero alam namin na very supportive ito sa career ng apo.
Very obvious na siya ang pinakaboritong apo ni Mommy Elaine kaya sinusuklian naman ito ni KC. Kagaya na lang noong ma-ospital si Mommy Elaine, talagang todo-bantay si KC at may mga selfie photo pa sila.
Bago nalagutan si Mommy Elaine ng hininga ay nakailang selfie sila ni KC at maganda ang aura ni Mommy Elaine huh, hindi siya
mukhang may sakit. Sa tingin ko pa nga, parang bumata siya kaya
nakalulungkot naman ang kanyang pagpanaw.
Alam kong labis-labis ang pighati ni KC maging si Sharon dahil all her life talagang very supportive si Mommy Elaine sa career ng dalawa.
Kapwa Koreano, naggugulangan
FIRST time kong nakapunta sa Korean Community d’yan sa may Anunas, Angeles City , Pampanga. Nakagugulat na puro Koreano ang establishments na naroroon mula sa masahian, botika, at kung ano-ano pa.
Sa pamamagitan ni Madam Magnolia May San Jose ay natikman namin ang masasarap na Korean food sa Bada Ole Restaurant. Nalungkot lang kami sa nalaman naming balita mula samay-ari (Pinay) na si Joy Lopez. May business partner silang Koreano na nagmamay-ari ng building. Noong una ay okey ang kanilang samahan, nire-remit nila araw-araw ang kanilang net income sa kasosyo nila at sa loob ng isang buwan ay hinahati nila ito.
Pero ngayon daw, sa loob ng dalawang taon ay hindi na raw sila nakatatanggap ng kanilang shares at ang sabi, ibebenta na raw ang building na iyon.
Kaysa mapunta sa iba, gusto ng mag-asawang sila na lang ang bibili at nakapagbigay na raw sila ng P800,000 pero mukhang malabo dahil patuloy silang pinalalayas ng kanilang kasosyo. Kasama pa na pinutulan pa ng ilaw at ang ikinagulat ng mag-asawa, nagtayo pa ang kanilang kasosyo ng dalawang Korean restaurant.
Ano ba ‘yan, kapwa Koreano naglolokohan pa. Dapat sigurong i-settle na lang nila ‘yan, baka gusto pa ng kanilang kasosyo na makarating pa ito sa kaalaman ng Department of Foreign Affaris, siya rin.
