Parolado utas sa ratrat ng tandem

PINAULANAN ng bala hanggang mapatay ang isang ex-convict ng dalawang hindi nakilalang suspek na lulan ng motorsiklo kamakalawa ng gabi sa Pasay City.

Patay noon din si Vincent Carriaga, 40, biyudo, ng 67 Propetarios  St., Cartimar, Pasay City.

Base sa ulat na natanggap ni Pasay City Police chief, Sr. Supt. Melchor Reyes, dakong 6:50 p.m. nang mangyari ang pamamaril sa north bound lane, Service Road ng Roxas Boulevard ng naturang lungsod.

Habang nakatayo ang biktima sa lugar nang sumulpot ang motorsiklong hindi naplakahan at pinagbabaril ng mga suspek ang biktima.

Ayon sa ulat, ang biktima ay dating bilanggo sa New Bilibid Prison (NBP) sa Muntinlupa City dahil sa mga kasong robbery at frustrated murder noong 2010.

Nakalaya ang biktima dahil sa ibinigay na parole ng Department of Justice (DOJ).

Jaja Garcia