HATAW! D'yaryo ng Bayan hatawtabloid.com
TUGUEGARAO CITY – Patuloy na tinutugis ng mga awtoridad ang magkapatid na tumakas at nakapatay ng jail guard at inmate sa provincial jail sa bayan ng Santa Marcela kamakalawa.
Kinilala ang mga biktimang sina Jail Officer 1 Damaso Patan Peru, Jr., at ang inmate na si Huebert Fuerte, habang ang mga nakatakas na bilanggo ay kinilalang ang magkapatid na Marcelino at Felix Dagdagan, residente ng bayan ng Flora, Apayao.
Ang mga pugante ay kapwa may kasong murder.
Sinabi ni S/Supt. Robert Gallardo, director ng Apayao PNP, batay sa kanilang pau-nang pagsisiyasat, pinagtataga sa ulo ng magkapatid ang jail guard nang buksan ang kanilang selda.
Ayon sa opisyal, ina-alam pa nila kung papaano nadamay ang napatay na inmate sa pama-magitan din ng pananaga at pagbaril gamit ang shotgun na nakuha mula sa jail guard.
Sinabi ni Gallardo, nakatakas ang magka-patid dahil mag-isa noon ang jail guard habang nasa labas ang jail warden.
Beth Julian
