Anak ni Pokwang na si Mae, oks lang magka-BF ang ina

ni Dominic Rea

Wala nang balakid sakaling muling magmahal si Mamang Pokwang. Mismong ang anak nitong si Mae ang nagkompirma sa aming tanggap na niya sakaling umibig ang kanyang ina.

Sinabi pa ni Mae na seksi naman at maganda ang kanyang ina at dito siya nagmana kaya susuportahan niya ito.

Aminado si Mae na noong early age niya’y hindi pa raw niya maintindihan ang nakikita subalit ngayong kolehiyo na siya’y mas bukas na rin siya sa mga nangyayari sa buhay nilang mag-ina.

Sa aming tsikahan with Mamang ay masayang ibinalita naman sa amin ni Mamang ang kanyang TFC movie titled Edsa Woolworth na tinapos nila sa loob lamang ng 25 days na kinunan pa sa Amerika.

Ayon kay Mamang, ibang-iba ang kuwento ng Edsa Woolworth na mala-KathNiel ang timpla compared to A Mothers Story na ginawa niya last year. Mamang’s so proud of this project. Napakagaling rin daw ng kanyang katrabahong Kano sa pelikula.

Take note, may lovescene sila sa pelikula at siyempre hindi naman daw maiwasang kiligin ni Mamang.

Paalis naman si Mamang Pokwang para sa series of shows abroad para sa 4 Da Laffs.