HATAW! D'yaryo ng Bayan hatawtabloid.com
ni Pilar Mateo
ANONG nangyari? Nang si Jason Abalos na ang magbanggit ng katagang “investment” sa ilang tanong sa kanya pertaining to his relationship with Vickie Rushton, react ang press na nasa presscon ng pagbibidahan nitong Two Wives with Erich Gonzales and Kaye Abad.
Usap-usapan kasi ‘yung pagre-regalo raw niya ng sasakyan sa girlfriend paglabas nito Sa Bahay ni Kuya.
“Bale ipinahiram ko lang po sa kanya ‘yun. Para may magamit siya sa trabaho niya. Para sa mga endorsement niya. Mas marami pa endorsement sa akin ‘yun, eh.”
Nilinaw din ni Jason na ang “investment” na tinutukoy niya eh, ang relasyon nga nila.
“Kaya anuman po ang mayroon ako ngayon, eventually, kung kami na nga ang magkakatuluyan sa altar eh, parang sa kanya na rin ang mga materyal na bagay na ipinupundar ko.”
Nagpapagawa nga raw ng bahay si Jason. Pero hindi pa raw ito ang dream house niya para sa kanila ng magiging misis niya.
“Bata pa rin siya at marami pa ring gustong gawin. May career pa ring aalagaan.”
Tinanong ko si Jason kung ang pagbibigay ba niya ng sinabi niyang ipinahiram lang na sasakyan at iba pang bagay kay Vickie eh paraan na rin para kumbaga’y i-secure niya ang dalaga dahil ‘di maiaalis na may ibang magkaroon ng interes dito?
“Wala namang ganoon. Hindi naman ako ganoong klase ng tao. I just want her to be happy and comfortable. Kailangan ‘yun para sa trabaho niya para hindi siya mahirapan.”
