Lolo dyuminggel sa ilog nalunod

NALUNOD ang isang 62-anyos lalaki makaraan mahulog habang umiihi sa tabi ng ilog sa Brgy. Sto. Rosario, Hagonoy, Bulacan kamakalawa.

Ayon sa ulat ng Hagonoy Police, wala nang buhay nang matagpuang lumulutang sa ilog ang biktimang si Manuel Dumasig, 62, residente ng Santos St., Brgy. San Roque, Angat.

Nabatid na nagtungo sa Hagonoy ang biktima upang makipaglamay sa burol ng isang kamag-anak.

Dahil may inoman ay nalasing ang biktima at nakatulog kaya ipinasya ng mga kainoman na ihiga siya sa isang nakaparadang jeep malapit sa gilid ng ilog.

Pinaniniwalaang nang magising ang biktima ay nagpasyang umihi sa tabi ng ilog ngunit nadulas kaya nahulog at nalunod.

(MICKA BAUTISTA/DAISY MEDINA)