HATAW! D'yaryo ng Bayan hatawtabloid.com
BUHAY NA BUHAY na naman ang night life sa Ortigas sa pagbubukas ng bagong Music Hall (dating The Library) na matatagpuan sa Metrowalk Ortigas.
Ang two-storey venue ay tamang-tama para sa mga mahihilig sa musika. Natikman namin ang unang pasabog ng Music Hall nang muli itong ilunsad noong Miyerkoles na kaagad nagpatikim ng magagandang awitin ng mga dating miyembro ng Freestyle na sina Top Suzara at Jinky Vidal.
Napag-alaman naming balik-Viva Records si Top at magkasama sila uli ni Jinky.
Anila, okey ang samahan nila ngayon gayundin ang working relationship nila. “That’s all water under the bridge,” ani Top tungkol sa pagsubok na pinagdaanan nila sa grupo ilang taon na ang nakalilipas.
Kung ating natatandaan, nagkaroon ng misunderstanding ang mga miyembro ng Freestyle years ago lalo na ang magpinsang Top at Tats kaya kinailangang umalis sa grupo ng una.
Sumunod naman si Jinky na umalis sa grupo at ngayon ay pareho sila ni Top na solo artist na.
Aminado si Top na sobrang devastated siya nang umalis siya sa Freestyle pero naka-move on na rin naman siya at napagdesiyonang bumalik sa music industry na mahal na mahal niya.
Muling nagsama ang dalawa para sa kanilang album na Reunited under Viva Records. Pero, sa album na ito lang daw sila nagsama at may kanya-kanya na silang career bilang singer.
Kung gusto ninyong makarinig ng magagandang music, go na kayo sa Music Hall. Para sa month of October, may mga special show ang Music Hall na nagtatampok sa ilang Viva artists tulad ng Side A na mapapanood sa October 10; Restrospect with Jason Farol sa Oct. 11; Aegis with Jek Manuel sa Oct. 15; Soutborder with Sheng Belmonte sa Oct. 17; Juris with Jason Farol sa Oct. 18; True Faith with Sheng sa Oct. 24; at Jinky Vidal with Six Part Intervention sa Oct. 31.
Mayroon ding live entertainment ang Music Hall tulad ng series of show ni Jon Santos na mapapanood sa Nov. 14, 15, 21, at 22.
Bukas din ang Music Hall par asa mga private event at any time of the day. For booking and other inquiries, interested parties may contact 4511786, 09266429114.
ni Maricris Valdez Nicasio
