HATAW! D'yaryo ng Bayan hatawtabloid.com
ARESTADO ang isang Tsinoy sa buy-bust operation ng District Anti-Illegal Drugs-Special Operations Task Group (DAID- SOTG) at Malabon City Police sa isang fastfood chain sa Caloocan City kahapon ng hapon.
Kinilala ang suspek na si Mike Tiu, 36, residente ng Brgy. Sta. Lucia Masantol, Pampanga, nahaharap sa kasong paglabag sa R.A. 9165 (Dangerous Drugs Act), nakapiit na sa detention cell ng Malabon City Police.
Batay sa ulat ni Chief Supt. Edgar Layon, Northern Police District (NPD) Director, dakong 12:30 p.m. nang isagawa ang buy-bust operation ng kanyang mga tauhan laban suspek.
Isang nagpanggap na poseur-buyer ang kausap ng suspek at napagkasunduang magbayaran sa loob ng Jollibee food chain sa Araneta Square, Bonifacio Monument Circle.
Nang iabot ang perang nagkakahalaga ng P 2.4 milyon para sa mahigit dalawang kilong shabu na nakalagay sa dalawang zip lock plactic sachet ay agad dinamba ang suspek ng mga awtoridad.
(ROMMEL SALES)
