NAKATAKDANG sampahan ng kasong arson ang isang lalaki makaraan sunugin ang bahay ng nakaalitang kapitbahay sa Meycauayan City, lalawigan ng Bulacan kamakalawa.
Kinilala ang suspek na si Victor Policarpio, 40, residente ng Brgy. Lawa sa naturang lungsod, nagkaroon ng mga paso sa katawan nang madikitan ng apoy dahil sa kalasingan.
Makaraan ang insidente, nagtago ang suspek sa bahay ng kanyang ama.
Bunsod nang matinding takot sa resbak ng kanyang kaalitan na si Armando Leanillo ay nagtangkang magbigti si Policarpio ngunit napigilan ng mga kaanak.
Samantala, sa mabilis na pagresponde ng mga bombero ay madaling naapula ang apoy sa bahay ni Leanillo.
(MICKA BAUTISTA/
DAISY MEDINA)
