HATAW! D'yaryo ng Bayan hatawtabloid.com
HINDI na solo ng FHM magazine ang paglalahad ng kaseksihan ng mga kababaihan dahil noong Huwebes, inilunsad ng Viva PSICOM Publishing, ang kanilang Bare Magazine na ginawa sa Eclipse Entertainemnt Lounge ng Solaire Resort and Casino.
Mga nakabibighaning kagandahan ng Viva ladies ang nakapaloob sa magazine na nagpapakita ng natatanging kagandahan at kaseksihan ng 10 sa mga ipinagmamalaking talents ng Viva.
Ang 10 nabanggit ay binubuo ng host comedienne na si Ashley Rivera, na kilala rin bilangYouTube sensation na si Petra Halimuyak (Pera ni Panniest at Dobol o Samting sa Viva TV); 2nd Princess Miss World Pilipinas 2011 Chloe Dauden; Bb. Pilipinas 2008 1st Runner Up Danielle Castano (kasama sa Top 32 ng Miss World 2008 sa South Africa); ang movie jock ng PBO na si Roxanne Barcelo; sexy star Yam Concecpion (Rigodon), recording artist na siSheng Belmonte (na itinampok sa hit song ni Gloc 9 na Walang Natira); Fil-British Phoebe Walker ng Viva girl group na Eurasia; at sina Jericka Martel, Jourdanne Castillo, atKharla Ramos na nakilala sa reality show na Pantaxa sa Viva TV.
Makikita sa mga litratong kuha ng mga premyadong photographers na sina Raymund Isaac atMark Nicdao ang bawat hubog ng mga katawan ng mga sexy star. Malaking bahagi rin ang kalikasan sa tema ng mga litrato. Dalawa sa mga sexy star ay parang serena sa dagat, mayroon ring parang ibong Malaya, at ang iba naman ay komportable at maligaya habang napaliligiran ng mga puno’t halaman.
Sa Bare magazine, ibinabahagi rin ang saloobin tungkol ng Viva ladies sa kanilang kagandahan.
Ayon kay Jourdanne, ”true beauty reveals inner happiness.”
Para naman kay Danielle, ang pagka-diyosa ng isang babae ay mailalabas kung siya ay may paninindigan sa opinion at passion sa buhay.
Sang-ayon din rito sa paniniwala ni Roxanne na nagsabing, ”Stand for something even it it means standing alone.”
Hindi lang sexy poses kundi inspiring din ang makikita sa Bare magazine, kaya’t mae-enjoy ito ng parehong mga kalalakihan at kababaihan. Mabibili ang Bare magazine sa halagang P350.
Magkakaroon ng autograph signing ang Viva ladies by October.
ni Maricris Valdez Nicasio
