HATAW! D'yaryo ng Bayan hatawtabloid.com
ni Dominic Rea
MISMONG ang Teen King Daniel Padilla na ang nagsabing tao lang siya at nagkakamali. Siya na rin mismo ang nagbitiw ng naturang salita mula sa kanyang bibig.
Patunay lamang ito na tapos na ang audio-video scandal. Okey na rin sila ngayon niKathryn Bernardo kaya tantanan na ang mga tsurorot na kung ano-ano patungkol kay Daniel.
Sa ginawang pag-amin ni Daniel ay mas lalo siyang hinangaan ng karamihan. Mismong ako po ay sumasaludo sa sikat na Teen King dahil kung tutuusin ay tama lang ang kanyang binitiwang salita.
Tao lang tayo, hindi perpekto, nagkakamali rin ngunit sa puno’t dulo nito ay natututo tayo!
Sa isyung ito rin ay maraming fans ang KathNiel ang naging one-sided at tuluyang iniwan sa ere ang Teen King. Medyo nakalulungkot dahil hindi namin ito inasahan na pati po ang inyong lingkod ay nakatikim ng mura at bashing sa social media!
Tanggap po namin ito dahil may karapatan ang bawat isa na ipakita at iparating ang kani-kanilang nararamdaman!
Nang banggitin ko ito sa aking apo last Sunday nang sadyain ko siya sa ASAP ay ngumiti lang ito sa akin sabay sabing “hayaan mo na lang sila Tito Doms “!
Sa kaibigang trumaydor sa aking apo, ituloy mo lang ‘yan! Pagpalain ka sana sa ginawa mo! Para sa apo ko, tuloy ang agos ng buhay at sa puntong ito ay natuto na siya’t mas magiging maingat na sa kanyang bahay.
Okey lang ‘yan DJ, mas maganda ‘yung ikaw ang tinapakan kaysa ikaw ang mang-apak Nak!
