Panaginip mo, interpret ko: Lumilipad kaya nakakatakas

Gud day po,

Gus2 q lng po itnung kung anu ang ibig xvhn ng pnginip q, kse po sa pnginip q hnahbol aq ng isang tao tpos gus2 qng tumkas, at kya qng lumipad kya ntatakasan q cia, paulit ulit po na gnun ang pnginip q anu pung ibig xvhn nun? tnx wag nio nlng po ipublished ang numb q J

To Anonymous,

Ang panaginip na ikaw ay hinahabol ay nagpapakita na iniiwasan mo ang ilang sitwasyon na sa palagay mo ay hindi mo mapapagtagumpayan o kaya ay wala kang mahihita o mapapakinabangan. Ito ay maaari ring isang metaphor para sa ilang uri ng insecurity.

Ang panaginip na tumatakas sa kulungan o anumang lugar ng pagkakakulong ay maaaring may kaugnayan sa pagtakas sa isang mahirap na kalagayan o sitwasyon o ng pag-uugali. Alternatively, maaari rin namang nagsa-suggest ito na ayaw mong harapin ang iyong mga suliranin sa buhay, iniiwasan mo ang sitwasyon, sa halip na harapin ito upang magkaroon na ng closure.

Hinggil naman sa paglipad mo sa iyong panaginip, ito ay may kaugnayan sa sense of freedom na kung saan noong una ay inaakala mong wala kang kalayaaan o kaya naman ay limitado lamang ito. Dapat pahalagahan at ingatan ang mga magagandang kapalaran na dumarating sa iyo, upang hindi makalagpas sa iyo ang grasya at huwag masayang ang oportunidad na abot kamay mo na. Ipagpatuloy ang pagsisikap at pagtitiyaga, upang ang inaasam mong tagumpay ay makamit at magkaroon ng katuparan.

Señor H.