Principal itinumba sa gate ng iskul

CAUAYAN CITY – Patay ang isang principal makaraan anim beses barilin sa gate ng pinamumunuang public school sa Angadanan, Isabela kahapon ng umaga.

Kinilala ang biktimang si Edito Jacinto, 54, residente ng Loria, Angadanan, Isabela, patalikod na pinaputukan ng hindi nakilalang salarin.

Ayon sa ulat, dakong 6 a.m. habang binubuksan ng principal ang gate ng Lomboy Integrated School nang lapitan at barilin ng mga suspek na sakay ng motorsiklo.

Iniimbestigahan ng mga awtoridad ang insidente upang mabatid ang motibo sa pagpaslang. (BETH JULIAN)