‘Pusher’ itinumba ng tandem

“Mabuti nga sa kanila, magnanakaw at tulak kasi! “

Ito ang walang panghihinayang na pahayag ng mga residente sa isang subdibisyon sa pamamaril at pagpatay ng hindi nakikilalang riding in tandem sa isang kelot sa Caloocan City, kamakalawa ng gabi.

Dead-on-the-spot ang biktimang si Wenxyle Falco, ng Lingayen St., Phase 1, Dela Costa Homes II, ng nasabing lungsod, sanhi ng mga tama ng bala ng hindi nabatid na kalibre ng baril sa iba’t ibang bahagi ng katawan.

Sa ulat ni PO3 Gerry Gamueda, Jr., dakong 11:30 p.m., nang maganap ang insidente sa harap ng bahay ng biktima habang siya ay nakatayo.

Masusing imbestigasyon ang isinasagawa ng mga awtoridad sa nasabing krimen.

(ROMMEL SALES)