HATAW! D'yaryo ng Bayan hatawtabloid.com
BINAHA ang 18 barangay ng San Miguel, Bulacan bunsod ng pag-ulan dulot ng Bagyong Luis kamakalawa.
Isinisi ng mga residente ng San Miguel ang pagbaha sa rekonstruksiyon ng Bulo Dam na ayon sa mga opisyal ay pipigil sa rumaragasang tubig mula sa kabundukan sa panahon ng tag-ulan.
Kabilang sa mga binaha ang mga barangay ng Bagong Silang, Bantog, Bardias, Baritan, Batasang Bata, Batasang Matanda, Buga, Cambio, Ilog Bulo, King Kabayo, Lambakin, Maligaya, Mandile, Pinambaran, Pulong Duhat, Sacdalan, Salacot at Sta. Lucia.
Sa nabanggit na mga barangay, ang King Kabayo ang matinding naapektohan na umabot hanggang baywang ang baha.
Ayon sa mga residente ng Brgy. Salacot, sa tanang buhay nila ay ngayon lamang sila nakaranas nang ganito katinding pagbaha sa kanilang lugar.
(MICKA BAUTISTA)
