HATAW! D'yaryo ng Bayan hatawtabloid.com
CAMP OLIVAS, Pampanga – Patay ang isang construction manager nang pagbabarilin ng dalawang hindi nakilalang lalaki
habang kasama ang kanyang asawang sales agent kamakalawa ng gabi sa Olongapo City.
Agad binawian ng buhay ang biktimang si Angelito Pineda, 34, nakadestino sa motorpool ng 4B Constuction, sanhi ng mga tama ng .9mm kalibreng pistola.
Habang nakatakbo at nagtago ang kanyang misis na si Emily Pineda, 31, kapwa residente ng Brgy. Barreto sa nasabing lungsod.
Ayon sa imbestigasyon, dakong 8:50 p.m. minamaneho ng biktima ang kanyang itim na Chevrolet na walang plaka kasama ang asawa.
Pagsapit sa Columban Hotel Road, Columban Site sa Brgy. Barreto ay bumaba ang biktima. Kasunod na bumaba si Emily ngunit biglang pinagbabaril ng mga suspek ang biktima.
Iniimbestigahan ng mga awtoridad kung may kaugnayan sa trabaho ng biktima ang krimen.
(RAUL SUSCANO)
