HATAW! D'yaryo ng Bayan hatawtabloid.com
ni John Fontanilla
HINDI raw apektado si Jake Vargas kung hindi na siya ang itinatapat kay Daniel Padilla kung hindi si James Reid na kung popularity ang pag-uusapan.
Ani Jake nang makausap namin sa Gawad Kabataan Mall Show na naging espesyal na panauhin ang Kapuso young actor, “Hindi naman, kasi pana-panahon lang naman ‘yan. Kumbaga ako trabaho lang naman ang gusto ko at ayaw ko yung ikinukompara sa iba.
“Basta may trabaho ako okey lang hindi ko iniisip na sikat ako o kaya kailangan mas sikat ako sa iba.
“Mahirap kasi na ikinu-kompara mo ‘yung sarili mo sa iba, mas maganda na magtrabaho ka na lang ng maayos para dumami pa ang trabaho mo.
“At saka ‘yung ibang tao lang naman ang nagsasabi na ako raw ang counterpart ni Daniel sa GMA 7 pero hindi ko iniintindi ‘yun at iniisip. Kasi ayoko talaga na parang pinagkukompara kami kung sinong angat at sinong hindi.
“Kasi alam ko naman na si Daniel trabaho rin ang gusto katulad ko para sa pamilya namin.
“Kaya kung sinasabi nila na si James Reid na ‘yung ka-level ngayon ni Daniel okey lang ‘yun walang problema sa akin, kasi ni minsan naman hindi ko pinasok sa isip ko na ka-level ko si Daniel dahil alam ko naman na panahon ni Daniel ngayon at sikat talaga siya.
“Ang mahalaga naman kasi nandyan ka pa sa kinatatayuan mo at hindi ka nawawalan ng proyekto at marami pang tao ang nagtitiwala sa ‘yo.
“Ako naman kasi hindi ko iniisip na angat ako, mas gusto ko ‘yung dahan-dahan lang .
“Basta ako kung anong mayroon ako happy na ako roon, ‘di ko kailangang makipag-compete sa ibang kapwa ko artista.
“Ako kasi ‘yung tipo ng tao na masaya kapag may nakikita akong umaangat at magiging inspirasyon ‘yun para umangat din.
“Dapat tulungan dito at hindi ‘yung pagalingan o pasikatan, kapag ganoon kasi ang iisipin mo baka away ang puntahan mo ha ha ha.
