HATAW! D'yaryo ng Bayan hatawtabloid.com
ni Nonie V. Nicasio
WALANG panahon sa kanyang love life si Quezon City Mayor Herbert Bautista. Ito ang kanyang tinuran nang usisain ng press sa ibinigay niyang get-together lunch sa mga taga-entertainment media na nag-birthday sa month ng January to September. Ginawa ito sa Vera-Perez Garden na sobrang ganda ngayon.
“Okey naman ang puso ko,” nakangiting sagot Mayor.
Nang diretsahin ukol sa kanyang love life, sinabi niyang sa mga anak niya ang kanyang focus ngayon. “Hindi, e, iyong mga bata pa rin. My daughter na si Athena is in Ateneo. Iyong aking anak na isa, magka-college admission test sa U.P. at saka sa Ateneo. So hopefully, pumasa siya roon. So iyon ang focus ko ngayon.”
Kahit single ngayon, hindi raw siya malungkot. “I’ve always been single,” nakatawang saad ni Mayor. “I’m not committed to anyone. I’m committed to my kids, to my work… ‘yon!”
Hindi rin daw niya iniisip ang ukol sa pagpapakasal. “It would be unfair kasi, e. Alam n’yo naman ang drama ng buhay ko, e, ‘di ba?
“So, I maintain my friendship and my respect to the mothers of my children. I’m seeking their forgiveness if I have done something wrong to all of them. But I thank them so much for bearing good children—God-fearing and respectful children.
“Kapag may mga presscon, tinatanong ako lagi about getting married-oo naman, I’ve been wanting to. But you know, time does not allow it.
“Siyempre kapag nagpakasal ka, kailangan may honeymoon. Paano ka magha-honeymoon, kung nakaupo ka nga-yon?”
Samantala, itinanggi rin ni Mayor Bistek ang balitang na-ambush siya. “May lumabas sa social media that we were ambushed by the drug syndicate na inaway ko. E, hindi naman, nandito ako e.
“Kung sino man ang gumawa niyon ay thank you dahil naging mas mahigpit ‘yung security ko ngayon. Mas active ngayon ‘yung Quezon City Police District para habulin sila.”
Muli rin niyang inilinaw ang insidente na kanyang nasampal ang isang suspected drug pusher. “Immediately I have to say sorry, e. After that, tina-tap ko ang ulo niya na… pasensiya ka na, ha. Mabigat, mabigat kapag ganoon, e.”
