HATAW! D'yaryo ng Bayan hatawtabloid.com
NAGING viral hit sa internet ang video ng daan-daang pasahero na itinulak para umangat ang train upang maalis sa pagkakaipit ang paa ng isang pasahero.
Mahigit 2.4 milyong katao na ang nakapanood sa video ng heartwarming rescue operation sa Perth, Australia.
Mapapanood sa CCTV footage nang madulas ang isang lalaki at naipit ang kanyang isang paa sa pagitan ng train at platform.
Bago pa dumating ang emergency services, daan-daang pasahero ang sinikap na itulak ang train, naiangat ito upang maalis ng lalaki ang kanyang paa mula sa pagkakaipit.
Sinabi ni Perth Transport spokesman David Hynes: “There were lots of them, off the train, and we organised them to sort of rock, tilt the train backwards away from the platform so they were able to get him out and rescue him.”
(ORANGE QUIRKY NEWS)
