Suhulan sa DoJ pinanindigan ng witness

NAKAHANDA ang testigo sa Maguindanao massacre case na panindigan ang kanyang mga impormasyong suhulan sa panel of prosecutors ng Department of Justice (DoJ) upang mapalaya ang mga Ampatuan.

Magugunitang sinabi ni Lakmodin Saliao na siya mismo ang nakipag-ugnayan para mabayaran ng P50 million ang mga prosecutor, partikular na si Usec. Francisco Baraan III.

Si Saliao ay naging katiwala ng mga Ampatuan sa loob ng halos 20 taon, bago nakulong ang nasabing angkan dahil sa multiple murder charges kaugnay sa Maguindanao massacre case.