Happy pictures nina Raymart at Claudine, kumalat sa social media! (Sa 7th birthday ng kanilang anak na si Santino…)

ni Alex Brosas

KUMALAT sa social media ang pictures nina Claudine Barretto at Raymart Santiago sa 7th birthday celebration ng anak nilang si Santino.

Isa sa mga nag-post ang GMA entertainment reporter na si Aubrey Carampel na naroon sa party. Nakunan si Raymart habang sinisindihan ang candle ng birthday cake ni Santino habang nasa tabi niya  sina Claudine at Sabina. Sa isang photo naman na lumabas sa isang website, nakunan si Raymart na karga-karga si Santino habang hinihipan niya ang candle ng kanyang cake.

Sa lahat ng mga kuha nila, kitang-kita ang happiness nina Claudine at Raymart. Ang daming natuwa sa mga photo na naglabasan sa social media. Ang feeling ng marami, kahit sandali lang, for the sake of their son na si Santino ay naging masaya ang ex-couple, nawala ang tension na namagitan sa kanila these past few days.

Marami ang nagwi-wish na sana ay pangmatagalan na ang saya sa mukha nina Claudine at Raymart. Many are hoping na magkabati na sila nang tuluyan at mawala na ang mga kaso sa kanila.