Half-sister ni Drew Barrymore nag-suicide

LOS ANGELES (Reuters) – Natagpuang patay ang half-sister ng aktres na si Drew Barrymore sa loob ng kanyang sasakyang nakaparada sa suburban ng San Diego street, ayon sa San Diego County Coroner nitong Miyerkoles.

Si Jessica Barrymore, 47, anak ng actor na si John Drew Barrymore, ay natagpuang patay sa National City, south of San Diego, nitong Martes, dalawang araw bago ang kanyang kaarawan, ayon sa coroner.

Sa ulat ng San Diego television station, ang biktima ay nagtatrabaho sa local pet store.

Sinabi ni Drew Barrymore, 39, star ng pelikulang “Scream” at “Charlie’s Angels,” hindi niya gaanong kilala ang kanyang half-sister.

“Although I only met her briefly, I wish her and her loved ones as much peace as possible and I’m so incredibly sorry for their loss,” pahayag ng aktres.

Iniulat ng San Diego’s ABC TV-affiliate KGTV, ang bangkay ng biktima ay natagpuan ng isang local woman, nagsabing ang kotse ay nakaharang sa kanyang driveway, at maraming pills ang nakakalat sa passenger seat ng nasabing sasakyan.

Plano ng coroner’s office na isailalim ang bangkay sa awtopsiya upang mabatid ang dahilan ng pagkamatay ng biktima.

Ang ama ng magkapatid, anak ng early Hollywood star John Barrymore, ay makailang beses na nagpakasal. Namatay siya noong 2004.