HATAW! D'yaryo ng Bayan hatawtabloid.com
KAPWA wala nang buhay nang matagpuan ang isang mag-ama sa isang liblib na lugar ng Brgy. Niugan, bayan ng Angat, lalawigan ng Bulacan, makaraan tadtarin ng saksak ng hinihinalang adik na rapist sa nabanggit na lugar.
Kinilala ang mga biktimang tadtad ng saksak sa kanilang katawan na si Arnel Nieves, 50, anak niyang si Michelle Nieves, 26, kapwa residente ng Brgy. Donacion sa nabanggit na bayan.
Habang kinilala ng isang saksi ang suspek ngunit pansamantalang hindi ibinunyag ang pangalan pabor sa isinasagawang follow-up operation ng mga awtoridad.
Sa imbestigasyon ni PO3 Eduard Oceña, pauwi na ang biktimang babae sakay ng minamanehong bisikleta dakong 10 p.m. nang harangin ng suspek sa isang madilim na bahagi ng daan, sapilitang dinala sa isang liblib na lugar at doon hinalay.
Nagkataong nag-aabang pala ang ama sa pag-uwi ng anak at naulinigan ang sigaw ng anak kaya agad pinuntahan.
Ngunit sinalubong siya nang sunod-sunod na saksak ng suspek at pagkaraan ay nagmamadaling tumakas.
(DAISY MEDINA)
