Wednesday , April 16 2025

SREAT ng Silangan Nat’l High School dinodoktor (Anomalya pinaiimbestigahan sa CSC)

072914 silangan school rizal CSC

HINILING ng isang grupo sa Civil Service Commission (CSC) ang imbestigasyon hinggil sa sinasabing katiwalian ng mga empleyado ng Silangan National High School sa Brgy. Silangan, San Mateo, Rizal.

Sa reklamo ni Eduardo O. Aguilar, chapter coordinator ng Samahang-Grupong Bantay Mamamayan (SGBMI) Inc., sa tanggapan ni Sec. Francisco T. Duque, chairman ng CSC, may erroneous at incorrect data sa Secondary Report on Enrolment and Assignment of Teachers (SREAT) ng Silangan National High School para sa school year 2014-2015 na isinumite sa Division Office ng Department of Education (DepEd) ni Alfredo D. Lopez, principal ng nasabing pampublikong paaralan.

Sinabi ni Aguilar, sa kanilang beripikasyon, ang entry ng nasabing SREAT ay hindi nag-tally sa actual number ng mga estudyante sa bawat silid-aralan.

Aniya, dahil pormal nang naisumite sa Division Office ng Department of Education sa Taytay, Rizal, ang nasabing SREAT ay naging official document na ng DepEd.

Sa inisyal aniyang imbestigasyon, nabatid na si Marilyn B. Borejon, Math IV LIS/EBEIS teacher, ang naghanda at nagsumite ng nasabing erroneous SREAT sa DepED batay sa utos ni Lopez.

Inamin ni Borejon sa ilan niyang mga kapwa guro na siya ang nagmanipula (enrolled and unenrolled) sa data ng Learning Information System (LIS) sa pamamagitan ng pagbubukas sa user’s name at account nang walang pahintulot ng user sa kabila na ang data account ay may password.

Ang nakaaalarma aniya, ang nakalistang mga estudyante sa masterlist ay hindi ang aktuwal na naka-enroll sa nasabing paaralan.

Diin ni Aguilar, ang kanilang grupo, na accredited Citizen Graft Watch ng Office of the Ombudsman, ay nangangamba sa intensyon ng nabanggit na mga opisyal ng paaralan sa pagsusumite ng “untrue, incorrect and false” school enrolment report.

Dagdag ni Aguilar, ang assignment ng teaching loads ay hindi parehas ang pagbabahagi sa mga guro.

Aniya, ang ilan na sinasabing malapit sa principal, ay binigyan nang hindi mabigat na load sa kanilang pagtuturo.

Bunsod nito, inirerekomenda ng grupo sa CSC ang pagsasagawa ng fact finding investigation sa nasabing nakaaalarmang ulat na ito.

About hataw tabloid

Check Also

MRT-7 post West Avenue

Sa Quezon City
Poste ng gingawang MRT-7 bumigay

BUMIGAY ang isa sa mga poste ng ginagawang MRT-7 sa bahagi ng West Avenue, sa …

BBM Bongbong Marcos TIEZA

TIEZA pinarangalan mga Bayani ng Digmaan

SHOWBIZ KONEKni Maricris Valdez IPINAGMAMALAKI ng Tourism Infrastructure and Enterprise Zone Authority (TIEZA), sa pamamagitan …

Krystall Herbal Oil

Heat stroke, haplos ng Krystall Herbal Oil kailangan para init mailabas sa katawan

Back to BasicNATURE’S HEALINGni Fely Guy Ong Dear Sis Fely Guy Ong,          Ako po …

Franz Pumaren

Pumaren sinampahan ng Graft complaint sa P50-M proyektong hindi natapos

KASALUKUYANG iniimbestigan ng Commission on Audit (COA) at ng Office of the Ombudsman ang reklamo …

House Fire

3 sugatan sa sunog sa QC

TATLO katao ang iniulat na nasaktan sa sunog na sumiklab sa residential area sa Makabayan …

Leave a Reply

Your email address will not be published. Required fields are marked *