HATAW! D'yaryo ng Bayan hatawtabloid.com
KRITIKAL ang isang mister matapos tarakan ng basag na bote ng magkapatid na tumagay lamang sa inoman sa Caloocan City kamakalawa ng hatinggabi.
Agad isinugod sa Caloocan City Medical Center (CCMC) ang biktimang si Wilfredo Bula, 55, ng 126 H. Briones St., 7th Avenue, Grace Park, Bgy. 52, ng nasabing lungsod, sanhi ng mga saksak sa tiyan.
Naaresto ang magkapatid na suspek na sina Michael, 26 at Romualdo Jalova, 26, ng nabanggit din na lugar.
Sa ulat ni PO3 Romel Bautista, nag-iinoman ang biktima kasama ang kanyang dalawang anak at iba pang kapitbahay nang dumating ang magkapatid na suspek na nakitagay.
Sa kalagitnaan ng inoman, isa sa kainoman ang nagbiro sa magkapatid na magaling lamang umano kapag makikiinom kaya napikon ang mga suspek at nagwala hanggang undayan ng sunod-sunod na saksak ng basag na bote si Bula.
(ROMMEL SALES)
