Drug den sinalakay 7 tulak timbog

SINALAKAY ng Marikina Police operatives ang isang townhouse na sinabing ginagamit na drug den na nagresulta sa pag-aresto sa pito katao sa Barangay Nangka, Marikina City kahapon ng umaga.

Ayon kay Sr. Supt. Vincent Calanoga, hepe ng Marikina Police, isa sa pitong dinakip ay sinasabing kilalang kilabot na drug pusher sa nasabing barangay.

Ni-raid ng mga awtoridad ang nasabing drug haven matapos makatanggap ng impormasyon na naroroon sa lugar ang supplier ng ilegal na droga sa buong Marikina.

Nakompiska ng raiding team ang mahigit 10 gramo ng shabu at drug paraphernalia.

Hindi pa ipinabatid ang mga pangalan ng mga dinakip na suspek dahil sa patuloy na operasyon para maaresto ang iba pang kasamahan na nakalalaya.

(ED MORENO)