HATAW! D'yaryo ng Bayan hatawtabloid.com
ni Nonie V. Nicasio
ISANG rebeldeng anak ang ginampanan ni Joyce Ching sa pelikulang Kamkam na pinagbibidahan nina Jackie Rice, Allen Dizon, Jean Garcia, Sunshine Dizon, at mula sa pamamahala ni Direk Joel Lamangan.
“Anak po ako rito nina Ms. Jean at Sir Allen, rebeldeng anak po ako rito, karelasyon ko si Hiro (Peralta), pero pinipigilan po nila ang relas-yon namin. Hindi naman ako sobrang katarayan dito, pero hindi rin ako sobrang mabait,” panimulang kuwento ni Joyce.
“Masaya at satisfied ako sa movie na ito, kahit na hindi ako major-major character rito, pero iyong privilege na makatrabaho mo sina Direk Joel, Sunshine, Ms. Jean Garcia at iba pa, ang laking bagay na po niyon.
“Plus iyong story pa, medyo nagkakalapit sa totoong mga nangyayari sa Pilipinas, kaya awareness din ito sa mga tao,” dagdag ni Joyce.
Ang pelikulang Kamkam ay showing na sa July 9. Ito ay Graded-A ng Cinema Evaluation Board. Mula sa Heaven’s Best Entertainment at tinatampukan din nina Emilio Garcia, Elizabeth Oropesa, Jim Pebanco, Lucho Ayala, Rita de Guzman, Athena Bautista, Zeke Sarmenta, at Kerbie Zamora.
