Demar Derozan darating sa ‘Pinas

DARATING sa bansa ngayon ang pambato ng Toronto Raptors sa NBA na si DeMar DeRozan para maging espesyal na panauhin ng NBA 3X Philippines 2014.

Makakasama ni DeRozan sa kanyang biyahe patungong Pilipinas ang manlalarong si Wesley Johnson ng Los Angeles Lakers, ang dance team ng Raptors at ang mascot ng Sacramento Kings na si Slamson the Lion.

Haharap sila sa mga manunulat bukas para sa 3×3 ng NBA na gagawin mula Hulyo 4 hanggang 6 sa SM Mall of Asia Music Hall at PICC Tent.

Pagkatapos ay makakasama ni DeRozan sina Kawhi Leonard ng San Antonio Spurs, Blake Griffin ng Los Angeles Clippers, Paul Pierce ng Brooklyn Nets, Kyle Lowry ng Raptors at Damian Lilliard ng Portland Trail Blazers bilang miyembro ng NBA selection na haharap sa Gilas Pilipinas sa dalawang tune up na laro sa Smart Araneta Coliseum sa Hulyo 22 at 23.             (James Ty III)