HATAW! D'yaryo ng Bayan hatawtabloid.com
ni Peter Ledesma
DEKADA 80 nang pumutok ang pangalang Richie ‘d Horsie sa showbiz. Sina Tito, Vic and Joey at ang Eat Bulaga ang nag-build up noon kay Richie na noong mga panahong ‘yun ay naging in-demand sa TV at pagawa ng pelikula.
Infairness mahusay naman talaga siyang komedyante at kinaaliwan talaga ng marami ang kakaibang itsura. Nakilala ang komedyante bilang sidekick sa mga comedy pelikula nina Bossing Vic, Tito Sen at Tito Joey. Dahil sa sobrang kasikatan ay nabigyan pa noon si Richie ng pagkakataon na makapag-record ng long playing album ng isang kilalang recording company. Lahat ng laman ng kanyang plaka partikular na ang awiting “Sobrang Talino Ng Tao” at “Nakakahiya” ay pawang mga pumatok kaya naman nagtuloy-tuloy ang maraming blessings sa nasabing comedian singer.
Pero dahil sa hindi nakontrol ni Richie ang katanyagang kanyang tinamasa ay nalululong sa ipinagbabawal na gamot at ilang beses siyang binigyan ng chance nina TVJ at ng Eat Bulaga lalo na si Bossing para magbago. Pero paulit-ulit pa rin ang pagdodroga niya kaya sino pa ba ang magtitiwala sa kanya.
Ang malungkot na balita, nagtutulak na lang daw ng kariton ngayon si Richie sa lugar nila sa Sucat, Parañaque. Ganyan talaga ang mangyayari sa ‘yo kapag nagpadala sa bisyo at waldas sa pera. Ibig sabihin ay nangangalak na lang ngayon ang nasa pedestal noon na komedyante.
Very sad naman gyud!
