Fashion designer nawawala
NAGPASAKLOLO sa National Bureau of Investigation (NBI) ang mga kaanak at kaibigan ng fashion designer na si Vekart Adrao, 49, na dalawang linggo nang nawawala.
Ayon sa kapatid ng biktima na hindi nagpabanggit ng pangalan, natatakot sila na baka dinukot si Adrao dahil may nakabanggang malaking tao ang nawawalang fashion designer.
Nalaman din na nakatanggap dati ng death threat si Adrao dahilan para ipasara niya ang kanyang shop sa Lungsod ng Marikina.
Huling nakita si Adrao noong May 6, may dalang malaking halaga ng pera na ibinayad sa kanya ng isang kliyente.
Ilan sa mga artistang naging kliyente ni Adrao ay sina Sheryn Regis, Snooky Serna, Toni Gonzaga, Rachel Anne Go, Ricky Reyes at iba pa.
Kung may nakakita kay Vekart o nakakaalam sa kanyang kinaroroonan, tumawag sa 964-03-25.
(leonard basilio)
