Angelica Panganiban at Carlo Aquino, muling magtatambal sa MMK

ni  Nonie V. Nicasio

ANG dating magkasintahan na sina Angelica Panganiban at Carlo Aquino ay muling magkakasama sa isang madamdaming episode ng Maalaala Mo Kaya ng ABS-CBN.

Limang taon na naging magkarelasyon sina Carlo at Angelica bago sila naghiwalay noong 2005. After Carlo, nakarelasyon ni Angelica si Derek Ramsay na tumagal naman ng six years. Ngayon ay going strong ang relasyon nina Angelica at John Lloyd Cruz.

Magaganap ang reunion nina Carlo at Angelica as a love team pagkalipas ng sampung taon. Huli silang nag-MMK noong September 2005 sa episode na pinamagatang Paru-Paro.

This Saturday, May 17 gaganap sa MMK si Angelica bilang si Susan, isang maybahay na masasangkot sa bawal na pag-ibig kay Andres (Carlo), ang nakababatang kapatid ng kanyang asawa. Tampok rin sa episode na idinerek ni Nuel Naval sina Wowie de Guzman, Sharlene San Pedro, Mico Aytona, Louise Abuel, at iba pa. Huwag palampasin ang onscreen reunion nina Angelica at Carlo sa longest-running drama anthology sa Asya, MMK, ngayong Sabado ng gabi pagkatapos ng Wansapanataym sa ABS-CBN.