HATAW! D'yaryo ng Bayan hatawtabloid.com
TUGUEGARAO CITY – Patay ang mayor ng bayan ng Gonzaga, Cagayan makaraan barilin ng grupo ng kalalakihan dakong 8 a.m. kahapon.
Kinilala ang biktimang si Mayor Carlito Pentecostes.
Ayon kay John Pentecostes, pamangkin at driver ng alkalde, duguang humandusay si Mayor Carlito sa harap ng municipal hall makaraan pagbabarilin ng mga armado.
Aniya, kasagsagan ng flag raising ceremony nang dumating ang armadong grupo na nakasuot ng camouflage at lumapit sa alkalde.
Binati pa aniya ni mayor ang grupo ngunit agad siyang pinagbabaril.
Sinabi ni John, iginapos ng grupo ang dalawang pulis na nakatalaga sa municipal hall nang mangyari ang insidente.
Nabatid na sasakyan ng mga pulis ang ginamit na get-away vehicle ng mga suspek.
Tinatayang nasa 30 ang bilang ng mga kalalakihang nagsagawa ng krimen.
ni BETH JULIAN
