Daniel, ililipat na ang pamilya sa bago at malaking bahay

ni  Dominic Rea

FIRST week of May ang nakaplanong paglilipat ng buong pamilya ni Daniel Padilla sa bago nitong ipinatayong bahay sa Don Antonio.

Perfect month umano ito ayon pa sa sikat kong apo dahil sa buwang ito ay tapos na ang kanyang birthday celebration—April 26—ganoon din ang  sold-out DOS concert sa April 30 sa Big Dome.

Ayon sa kaibigang Karla Estrada, mas maganda ‘yung paglilipat kapag medyo maluwag ang kanilang sked dahil iwas ngaragan ito. Isa sa dahilan kung bakit hindi pa sila makapaglipat this April as planned ay dahil aalis naman sila this week para sa shows ni Daniel sa Mid-East at Europa.

Masaya na si Karla sa kung anumang buhay mayroon sila ngayon! Malaking bagay ang biglaang kasikatan ni Daniel upang kahit paano ay maiahon sa hirap ng buhay ang kanilang buong pamilya. ‘Yun na!

Abangan niyo rin po ang nalalapit na paglabas ng 3rd album ni Daniel under Star Records! Paaak!

Pag-uugnay kina Kris at Bistek, ingay politika lang!

BINGING-BINGI na ako sa isyung kinasasangkutan ngayon nina Quezon City Mayor Herbert Bautista at Queen Of All Media Kris Aquino.

Sa totoo lang, wala naman talagang katotohan ang salitang “relasyon” between them kaya huwag na lang natin palakihin pa! Sus! Well, some people say na kaya lang naman daw nag-iingay ang dalawa dahil nga sa isyung politika na maybe team-mates sila sa parating na 2016 elections para sa anumang posisyong tatakbuhin ni Kris sa Quezon City na siya na mismo ang nagsabing nagparehistro na siya.

Ingay politika ‘ika nga nila kaya tama na please! Kaloka!