Julia, mas maganda pa sa mga kandidata sa Bb. Pilipinas 2014

ni Danny Vibas

ALAM n’yo bang mas maganda pa si Julia Barreto kaysa mas maraming kandidata sa Bb. Pilipinas 2014?

“Pumarada” sa harap namin ang mga kandidata noong gabing kagagaling lang namin sa press conference ng Mira Bella na nagtatampok sa anak nina Marjorie Barreto at Dennis Padilla. Wow, ang papayat nila! At ang daming matatangkad.

At lahat sila ay naka-false eyelashes. Mukha silang mga bading dahil sa false eyelashes nila. Mukhang mga impersonator na magpe-perform sa perya! Ang dami sa kanila na ang tutulis ng mga baba. Mga babalina! Mga tulisan!

Naka-quotation marks ang “parada” dahil hindi naman talaga ‘yon ang ginagawa nila noong gabing natiyempuhan namin nila na paisa-isang lumalabas sa ABS-CBN compound, at sumasakay sa isang mahabang bus na maghahatid sa kanila sa kung saan man.

Ang katoto sa panulat na si Wendell Alvarez ang kasama namin. Naisipan naming magyosi muna roon sa gate sa harap ng Gerry’s Grill. Actually, pagdating namin sa gate ay naroon na ang bus na may nakapintang Bb. Pilipinas 2014, at maya-maya nga ay paisa-isa nang rumarampa sa harapp namin ang mga kandidata.

Kulang man sila sa ganda, sweet naman sila. Tuwing may dumaraan, tinatanong sila ni Wendell kung anong lugar ang iniri-represent nila. Sweet na sweet namang sumasagot ang mga babaeng may mga fake na pilikmata.

Dahil sa ganda ng mukha ni Julia, hindi namin napansin kung fake rin ang mga pilikmata n’ya noong presscon na ‘yon sa Food Court Garden ng ELJCC building ng ABS-CBN. Actually, parang beauty queen night talaga ang gabing ‘yon. Nasa cast din ng Mira Bella ang Miss Universe na si Gloria Diaz at ang Bb. Pilipinas Tourism na si Liza Diño. And, as far as we are concerned, pam-beauty queen din ang ganda nina Mylene Dizon at Myka de la Cruz na kabilang din sa cast.