HATAW! D'yaryo ng Bayan hatawtabloid.com
LEGAZPI CITY — Nasa kritikal na kondisyon ang municipal disbursing officer makaraan barilin ng mga armadong holdaper sa P1.7-milion payroll robbery incident sa Brgy. Centro, Masbate City.
Kinilala ang biktimang si Elieser Alfornon , 44, disbursing officer sa munisipyo ng Claveria at residente ng Brgy. Poblacion 1 sa parehong bayan.
Sa report ng opisina ni Chief Supt. Victor Deona, sakay ng tricycle ang biktima at papuntang Claveria dala ang P1.7-million na pampasahod sana ng mga empleyado, nang mangyari ang insidente.
Sinasabing bigla na lamang tinambangan ang biktima ng riding-in-tandem suspect gamit ang 9mm pistol at agad hinablot ang dala niyang bag na naglalaman ng mga dokumento at ang nasabing pera.
Agad isinugod ang biktima sa Masbate Provincial Hospital at kasalukuyang inoobserbahan ang kalagayan.
