HATAW! D'yaryo ng Bayan hatawtabloid.com
ni Reggee Bonoan
SA kabilang banda, dahil din sa social media ay nakita ng taga-ibang bansa ang mga ipinost na litrato ng mga katoto sa ginanap na presscon ng Ikaw Lamang na pawang sikat ang cast.
Bukod kina Kim at Coco, kasama rin sina Jake Cuenca, Julia Montes, Ronaldo Valdez, Cherry Pie Picache, Daria Ramirez, John Estrada, Mery Soriano, Spanky Manikan, Lester Llansang, Angel Aquino, Cherie Gil, at Tirso Cruz III at mga bagets na sina Zaijian Jaranilla, Louise Abuel, Alyanna Angeles, at Xyriel Manabat.
“Ang daming artista, lahat sikat. Iba talaga ang ABS-CBN kapag gumawa ng soap drama, pinagsasama-sama ang mga sikat.”
Marami kasing artista ang Star Magic kaya’t kailangang bigyan lahat sila ng trabaho lalo na kung magagaling umarte.
Ang dalawang direktor na may hawak ng record kung bakit nag-number one ang Juan de la Cruz na halos isang taong umere ang siyang direktor ng Ikaw Lamang na sina Malu Sevilla at Avel Sunpongco na bagong obra ng Dreamscape Entertainment.
Bago umere ang Ikaw Lamang sa Marso 10, Lunes ay magkakaroon muna ng celebrity screening sa Trinoma, Cinema 7 sa Linggo, Marso 9 kasama ang buong cast.
