Guardian utas sa boga ng magpinsan
PATAY ang 34-anyos miyembro ng Guardian, nang pagbabarilin ng magpinsan sa loob ng kanyang bahaysa Binondo, Maynila, kamakalawa
Kinilala ang biktimang si Junrey Almacin, sinasabing miyembro ng Guardian, naninirahan sa Area–H, Gate 62, Parola, Tondo.
Agad naaresto sa follow-up operations ang magpinsan na suspek na kinilalang sina John Paul Asis, 33, at Ramil Asis, 29, kapwa miyembro ng Batang City Jail, residente ng 12th St., Port Area.
Sa imbestigasyon ni SPO3 Ronald Gallo ng Manila Police District-Homicide Section, dakong 5:00 pm, nang umalingawngaw ang magkasunod na putok ng baril mula sa bahay ng biktima sa nasabing lugar.
Nang usisain ng testigong si Regandes Bacsal, 23, nakita niya ang dalawang lalaki na armado ng baril papalabas mula sa bahay ng biktima. Pagpasok niya sa loob ng bahay ay nakita niya ang biktimang nakahandusay at naliligo sa sariling dugo.
(leonard basilio)
