Kontratista utas sa tandem
PATAY ang 63-anyos kontratista, matapos pagbabarilin ng isa sa hindi nakilalang riding in tandem, nang sabayan ng mga suspek ang sasakyan ng biktima, habang patungo sa kanyang opisina, sa Valenzuela City, kamakalawa ng umaga.
Kinilala ang biktimang si Manuel Nollora, 63, ng Valenzuela Ville, Brgy. Bignay, kontratista ng mga painting job, sa nasabing lungsod, sanhi ng isang tama ng bala ng kalibre .45 baril sa ulo.
Sa nakarating na ulat kay Sr. Supt. Rhoderick Armamento, hepe ng Valenzuela Police, dakong 10:00 am kamakalawa, nang maganap ang insidente sa Bignay Road, ng nasabing lungsod.
Sa ulat, mabilis tumakas ang dalawang suspek gamit ang motorsiklong ‘di naplakahan sa hindi natukoy na direksyon.
(rommel sales)
