2 todas sa bus vs trike

NAGSALPUKAN ang pampasaherong bus at tricycle na nagresulta sa kamatayan ng dalawang pasahero sa national highway, Brgy. Camiling, Balaoan, La Union.

Namatay bago idating sa pagamutan ang mga biktimang sina Melchor Ferrer at Marcus Cariaso, kapwa residente ng Callautit, Bacnotan, La Union. Ang mga biktima kapwa lulan ng tricycle.

Sa ulat ng pulisya, nagbanggaan ang Partas Bus na minamaneho ni Ignacio Villamor at ang tricycle na sinasakyan ng dalawang namatay.

Hawak na ngayon ng pulisya ang driver ng bus.

(BETH JULIAN)